Skip to main content

Ekki rífast

Ég sat og drakk rauðvín (og hvítvín.........og bjór.........og gin) með tveimur bestu vinum mínum um síðustu helgi. Á einhverjum tímapunkti byrjuðum við að rífast- sem við gerum mjög sjaldan.

Það voru engar rökrænar ástæður fyrir þessu rifrildi okkar. Við ákváðum bara á einhverjum tímapunkti að grafa skotgrafir og byrja að henda handsprengjum.

Þetta byrjar á því að maður fer að leika útsendara djöfulsins- eða devil's advocate, upp á engilsaxnesku- og áður en maður veit af þá er maður farinn að trúa því sem maður segir....eða er a.m.k. ekki til umræðu að maður hafi hugsanlega rangt fyrir sér.

Deepak Chopra predikar að maður eigi aldrei að berjast fyrir skoðunum sínum. Tjá þær bara skýrt og greinilega og kinka svo kurteislega kolli þegar aðrir tjá sínar. Ég held sveimér þá að hann hafi rétt fyrir sér.

Ég bið hérmeð þessa tvo dásamlegu vini mína afsökunar á framferði mínu og lofa bót og betrun. I love you guys.......sniff, sniff.

Comments

Hugi said…
*sniff sniff* ég elska þig líka :-).

Held samt að afsökunarbeiðnir séu ekki nauðsynlegar. Þetta voru þrælskemmtilegar umræður (þangað til DV blandaðist í málið) og mér fannst nú ekki votta fyrir fyrir mikilli illsku eða kerskni! Frekar að ég ætti að biðjast margfaldrar afsökunar, enda var ég að spila "Devils advocate" allt kvöldið.

Mér finnast rökræður skemmtileg leið til að skipuleggja hugsanir sínar og skerpa á skilningarvitunum - maður verður bara að passa sig að halda rökræðustiginu en ekki lenda út í rifrildi.

Og þótt mér finnist Deepak Chopra mikill snillingur, þá verður maður nú stundum að berjast fyrir skoðunum sínum. Hvar er annars Neville Chamberlain í dag? ;-)
Siggi Óla said…
Þetta voru vissulega fimlegar orðaskylmingar og það getur verið gott að kunna að stunda slíkar skylmingar. Hins vegar er kannski stigsmunur á því hvort maður er í orðaskylmingum við vini sína eða Adolf Hitler.

Ha! Neisko! Er ég farinn að rífast aftur?! Skamm, skamm.
Hugi said…
Hvur fjandinn, ég líkti sjálfum mér óvart við Hitler. Rökræðusnillingur sem ég er!
Anonymous said…
Já, akkúrat. Við vorum að skerpa á skilningarvitunum á föstudagskvöldið.
JKÁ
Fjalar said…
Djöfulsins rugl að hafa misst af þessu, sorry dudes. Var í ruglinu að festa gifsplötur til eitt um nótt. Ég fæ að heyra smáatriðin á næsta fundi. Var búinn að kaupa Ópal snapsh og fleira góðgæti sem hefði eflaust hjálpað til við skylmingarnar.
FJ said…
Ykkur til fróðleiks þá er Ópal snafsinn er víst skilgreindur sem rauðvín á www.novelredwines.org
Siggi Óla said…
Það var náttúrulega skandall að maðurinn sem boðaði til fundarins skildi svo ekki mæta. Ég tel ljóst að konan hafi sett honum passlega mikið fyrir til að hann gæti ekki gert neitt af sér í fjarveru hennar :-)

Popular posts from this blog

Rafmagnsbílar- ofurvélar

Var á leið í vinnu um daginn þegar ég heyrði viðtal við rafmagnsverkfræðing sem sagði illskiljanlegt af hverju ekki væri lögð meiri áhersla á framleiðslu og notkun rafmagnsbíla. Miklar framfarir hefðu orðið í framleiðlsu rafmótora og rafhlaðna og að í dag væru rafmagnsbílar fremri sprengimótorum að flestu, ef ekki öllu leyti.

Verandi forvitinn maður fór ég að rannsaka málið og datt niður á þessa síðu:

http://www.teslamotors.com/learn_more/faqs.php

Þetta er FAQ síða hjá fyrir tæki sem heitir Tesla Motors. Þeir framleiða rafmagnssportbíl (neibb....ekki oximoron!). Græjan er 4 sekúndur í hundraðið, kemst 400 km á hleðslunni og virðist vera ofursvöl græja. Og...hann kostar innan við 100.000 dollara. Strategían hjá þeim virðist vera að gera bílinn algengann hjá ríka fólkinu- fá umhverfismeðvitaða uppa til að skipta Porche-num út fyrir Teslu (Svona rafmagnsbíll myndi örugglega "get one laid" í henni Kaliforníu ,svo dæmi sé tekið). Afar snjallt.

Það sem ég er að velta fyrir mér er þet…

Menntakerfið byggir á úreltum og skaðlegum forsendum

Ákveðnar forsendur liggja til grundvallar í menntakerfinu okkar. Kerfið er í grófum dráttum svona:
Nemendum er skipt í hópa eftir aldri. Allir eru skulu dvelja á skólastofnun frá 6-16 ára. Þar skulu þeir læra samkvæmt gildandi aðalnámsskrá. Aðalnámsskráin er sett saman af sérfræðingum sem er gert að greina og ákveða hvað allir þurfa að læra svo að þeir séu tilbúnir í framhaldsnám og þátttöku í samfélaginu. Kennarar skulu svo gera sitt besta til að tryggja að allir nemendur tileinki sér sem mest af þeirri hæfni og þekkingu sem aðalnámsskráin segir til um. Það eiga sumsé allir að læra það sama. Frammistaða nemenda er vegin og metin frá upphafi með prófum og verkefnum sem eiga að segja til um hvernig þeim gengur.
Það er hægara sagt en gert að ná þeim markmiðum sem kerfið setur. Börnum er ekki eðlislægt að fylgja skipunum og sitja kyrr. Það þurfa þau samt að gera í skólanum, talsverðan hluta dags. Þau ráða engu um það hvað þau læra, hvenær, hvar, með hverjum eða hvernig (í flestum tilvik…

Lausn húsnæðisvandans: Lítil hús!

Mörg byggðarlög í landsbyggðunum eru í spennitreyju. Af ýmsum ástæðum er byggingarkostnaður þar hár (fjarlægð frá heildsölum í Reykjavík, skortur á iðnaðarmönnum o.fl.) og lágt fasteignaverð veldur því að útilokað er að selja eldri fasteign og kaupa sér nýja án þess að tapa á því stórfé. Sú eðlilega hringrás sem skapast þegar eldra fólk minnkar við sig til að fara í minna og hentugra húsnæði og rýmir þannig til fyrir barnafjölskyldum og yngra fólki er því rofin. Fólk fer beint út stóra húsinu sínu og á elliheimilið. Staðan er svo þannig í þeim landsbyggðum sem eru að vaxa (víðast vegna uppsveiflu í ferðaþjónustu) að stórvesen er að hýsa starfsfólk. Ungt fólk sem vill prófa að búa á þessum stöðum þarf annaðhvort að taka sénsinn á að kaupa sér einbýlishús sem það losnar svo tæpast við aftur, eða að leigja á háu verði, ef eitthvað leiguhúsnæði er þá í boði. 
Ég er með lausn á þessu. Hún er þessi:
Byggjum lítil og ódýr hús
Af hverju gerum við ráð fyrir að allir vilji búa í stóru húsi? Er…