Skip to main content

Frankfurter Schlumpfferein!

Ég eyddi helginni í Frankfurt. Það var gaman. Við hjónakornin fórum þangað til að taka þátt í árshátíð KPMG. Í undirbúningi árshátíðar fengu starfsmenn séns á að velja vettvang árshátíðarinnar. Í boði voru Franfurt, París og London. Ég veit ekki hvort það segir eitthvað um endurskoðendur að Frankfurt skyldi verða fyrir valinu, en ég verð þó að játa að við hjónin völdum Franfurt þótt sú borg sé ekki beint fræg fyrir að vera aðlaðandi eða skemmtileg. Fyrir þessu voru nokkrar ástæður:

1. Við höfum komið oft og mörgum sinnum til London. Þótt þar sé gaman, þá er líka alltaf gott að prófa eitthvað nýtt.
2. 3 dagar í París myndu vera algerlega ófullnægjandi til að skoða borgina. Auk þess var hótelið ekki mjög freistandi.
3. Þegar við lásum okkur til um Frankfurt þá leist okkur ágætlega á borgina. Auk þess stóð til að gista á Hilton hótelinu, sem er mjög flott.

Í stuttu máli, þá kom Frankfurt skemmtilega á óvart. Borgin minnir svolítið á Boston. Gamlar og stórglæsilegar byggingar innan um skýjakljúfa og forljótar nýlegri byggingar. Þjónusta var stórfín, Þjóðverjar afar vingjarnlegir, kurteisir og hjálpsamir, gott að versla, frábær matur, góður bjór, frábært hvítvín og glæsileg söfn. Við skelltum okkur líka á Cirque du Solei sem var mjög skemmtilegt.

Á heimleiðinni lentum við í 4 tíma töf, en þann tíma notuðum við hjónin til að bruna aftur inn í Franfurt og fara á frábært listasafn þar sem við skoðuðum myndir eftir Rembrandt, Renoir, Bottichelli, Picasso og fleiri drátthaga menn og konur sem ég kann ekki skil á. Algerlega frábært.

Þessi frábæra slökun átti sér þá miður skemmtilegu hliðarverkun að ónæmiskerfið komst í eitthvað uppnám, eins og oft gerist þegar maður hefur verið undir miklu álagi og fær skyndilega upplist. Ég er semsagt búinn að vera veikur bæði í gær og í dag. Sökks. Kannski er þetta bara overdose of bratwurst og bjór? Anyhoo...

Ég get alveg mælt með Frankfurt sem helgarferðaráfangastað.

Comments

Fjalar said…
Mig hefur alltaf langað til Prag.
Siggi Óla said…
Hehe.... Þar munu vera fögur fljóð.
Villi Harðar said…
Glæsilegt bassasólóið í Final countdown um helgina... 89 rokkstig
Anonymous said…
Er bassasóló í Final countdown?

Jón.
Valdi said…
Auðvitað er Bassasóló í Final Countdown. Þessir SÍVA menn Tóku alltaf Lögin á auðveldasta hátt.
Á ekkert að fara að Blogga Siggi

50 Rock Stig fyrir Giggið.
Anonymous said…
Hér eftir er bassasóló í Final Countdown! Og hananú!

-Siggi

Popular posts from this blog

Rafmagnsbílar- ofurvélar

Var á leið í vinnu um daginn þegar ég heyrði viðtal við rafmagnsverkfræðing sem sagði illskiljanlegt af hverju ekki væri lögð meiri áhersla á framleiðslu og notkun rafmagnsbíla. Miklar framfarir hefðu orðið í framleiðlsu rafmótora og rafhlaðna og að í dag væru rafmagnsbílar fremri sprengimótorum að flestu, ef ekki öllu leyti.

Verandi forvitinn maður fór ég að rannsaka málið og datt niður á þessa síðu:

http://www.teslamotors.com/learn_more/faqs.php

Þetta er FAQ síða hjá fyrir tæki sem heitir Tesla Motors. Þeir framleiða rafmagnssportbíl (neibb....ekki oximoron!). Græjan er 4 sekúndur í hundraðið, kemst 400 km á hleðslunni og virðist vera ofursvöl græja. Og...hann kostar innan við 100.000 dollara. Strategían hjá þeim virðist vera að gera bílinn algengann hjá ríka fólkinu- fá umhverfismeðvitaða uppa til að skipta Porche-num út fyrir Teslu (Svona rafmagnsbíll myndi örugglega "get one laid" í henni Kaliforníu ,svo dæmi sé tekið). Afar snjallt.

Það sem ég er að velta fyrir mér er þet…

Menntakerfið byggir á úreltum og skaðlegum forsendum

Ákveðnar forsendur liggja til grundvallar í menntakerfinu okkar. Kerfið er í grófum dráttum svona:
Nemendum er skipt í hópa eftir aldri. Allir eru skulu dvelja á skólastofnun frá 6-16 ára. Þar skulu þeir læra samkvæmt gildandi aðalnámsskrá. Aðalnámsskráin er sett saman af sérfræðingum sem er gert að greina og ákveða hvað allir þurfa að læra svo að þeir séu tilbúnir í framhaldsnám og þátttöku í samfélaginu. Kennarar skulu svo gera sitt besta til að tryggja að allir nemendur tileinki sér sem mest af þeirri hæfni og þekkingu sem aðalnámsskráin segir til um. Það eiga sumsé allir að læra það sama. Frammistaða nemenda er vegin og metin frá upphafi með prófum og verkefnum sem eiga að segja til um hvernig þeim gengur.
Það er hægara sagt en gert að ná þeim markmiðum sem kerfið setur. Börnum er ekki eðlislægt að fylgja skipunum og sitja kyrr. Það þurfa þau samt að gera í skólanum, talsverðan hluta dags. Þau ráða engu um það hvað þau læra, hvenær, hvar, með hverjum eða hvernig (í flestum tilvik…

Lausn húsnæðisvandans: Lítil hús!

Mörg byggðarlög í landsbyggðunum eru í spennitreyju. Af ýmsum ástæðum er byggingarkostnaður þar hár (fjarlægð frá heildsölum í Reykjavík, skortur á iðnaðarmönnum o.fl.) og lágt fasteignaverð veldur því að útilokað er að selja eldri fasteign og kaupa sér nýja án þess að tapa á því stórfé. Sú eðlilega hringrás sem skapast þegar eldra fólk minnkar við sig til að fara í minna og hentugra húsnæði og rýmir þannig til fyrir barnafjölskyldum og yngra fólki er því rofin. Fólk fer beint út stóra húsinu sínu og á elliheimilið. Staðan er svo þannig í þeim landsbyggðum sem eru að vaxa (víðast vegna uppsveiflu í ferðaþjónustu) að stórvesen er að hýsa starfsfólk. Ungt fólk sem vill prófa að búa á þessum stöðum þarf annaðhvort að taka sénsinn á að kaupa sér einbýlishús sem það losnar svo tæpast við aftur, eða að leigja á háu verði, ef eitthvað leiguhúsnæði er þá í boði. 
Ég er með lausn á þessu. Hún er þessi:
Byggjum lítil og ódýr hús
Af hverju gerum við ráð fyrir að allir vilji búa í stóru húsi? Er…