Skip to main content

Posts

Showing posts from 2007

Gleðileg jól!

Ég óska öllum gleðilegra jóla og farsældar á ári komanda!

Annað árið í röð klikkaði ég algerlega á því að senda jólakort og bið ég auðmjúklega forláts. Það er samt einhvernvegin þannig að kortin sem maður fær gleðja mann, en maður pælir ekkert í því hverjir sendu manni EKKI kort. Það eru því hugsanlega skelfileg mistök að vekja máls á þessu.

Ég er búinn að hafa það svakalega gott yfir hátíðar- hef etið, drukkið, lesið og sofið til skiptis- og faðmað fólkið mitt auðvitað. Vigtin hélt því fram í morgun að ég væri einu kílógrammi þyngri en fyrir hátíðar. Geri aðrir betur! Og áramótasukkið er allt eftir! Jibbí! Þá hefur maður eitthvað að gera í janúar.

Ég ætla að skrifa hér einhverja rosalega djúpa áramótahugleiðingu innan skamms, en í augnablikinu eru æðarnar sem eiga að sjá heilanum í mér fyrir súrefni meira og minna stíflaðar af mettaðri fitu.

Hugs to all:

-Siggi

Miles, partí og næturvaktin

Sit hér kl:23:00 á síðkvöldi og hlusta á Miles. Kind of Blue. Snilldarplata. Týndi henni fyrr á árinu og er nýbúinn að kaupa mér annað eintak. Andinn á þessari plötu er óviðjafnanlegur. Hún er tekin upp 1959 og er jafn fersk í dag og daginn sem hún var tekin upp. Maður verður einhvernvegin......svalur þegar maður hlustar á þessa plötu. Nnnnnnnnnnice.

Fór í gott partí á laugardagskvöldið. Jón Knútur félagi var að gefa út sérdeilis skemmtilega bók sem heitir Nesk. Frábær gonzo skrif um heimahagana og þá staðreynd að þótt maður yfirgefi Nesið, þá yfirgefur Nesið mann aldrei. Það er alltaf einhver hluti af sál manns fastur inni í þessum fjallahring og neitar að fara. Eða vill það ekki......hver veit.

Skipulag útgáfuteitisins var ekki flókið..gömul pottþétt uppskrift: Skemmtilegt fólk, nóg af bjór og hljóðfæri. Það er blanda sem klikkar ekkert. Eftir að Coney Island Babies höfðu flutt nokkra tregasöngva las höfundur upp úr bókinni af stakri snilld- nýþjálfuð útvarpsröddin fór vel með sögurna…

Molar

Einu sinni vorum við Valdimar (tannlæknir og stórsnillingur) búnir að hanna nýjan dálk í blaðið sem ég skrifaði einu sinni fyrir- Austurland. Dálkurinn átti að innihalda slúðursögur af tannlæknastofunni og heita "Molar" (þeir sem ekki kvikja á perunni geta flett þessu upp í ensk-íslenskri orðabók). Hehe........ Tannlæknahúmor. Þetta minningarbrot tengist efni dagsins ekki neitt, en kom upp í hugann þegar ég skellti titlinum á pistilinn.

Vikan er búin að vera skemmtilega geðveik. Búið að vera bilað að gera. Ég söng t.d. í rockshow-inu á þriðjudaginn. Það var stórskemmtilegt, enda stór hluti áheyrenda krakkaormar- þ.á.m. dóttir mín. Ég held að hún hafi ekkert skammast sín mjög fyrir pabba gamla. Ég sleppti því reyndar að bera mig, en það hef ég gert í öllum sýningum til þessa. Maður þarf að taka tillit til félagslífs afkvæmisins sko.....

Ég eyddi miðviku- og fimmtudegi í borg óttans á ýmiskonar fundum. Ég sakna þess ekki mikið að búa í Reykjavík, en mikið svakalega er gaman að h…

Show and snow

Jæja....í kvöld er síðasti séns að sjá og heyra hið stórskemmtilega rockshow Brján, en undirritaður mundast við að þenja raddbönd í þeirri ágætu sýningu. Þið getið séð dæmi á YouTube:

http://www.youtube.com/watch?v=mT0SuKNHYsk


Sýningin í kvöld er opin og ókeypis í tilefni af 1000 ára afmæli Síldarvinnslunnar.


Á skíðum skemmti ég mér..........

Fór á skíði um helgina og skemmti mér stórvel. Fríkaði út og keypti mér árskort á 14.000 kall. Finnst það vel sloppið m.v. að dagurinn er kominn upp í 1700 kall. Kosturinn við að hafa árskort er að maður getur kíkt í fjallið í klukkutíma án þess að vera svekktur yfir því að punga út 1700 kalli fyrir klukkutíma skemmtun. Ég gerði nákvæmlega það í gær. Droppaði við í fjallinu á leið heim úr vinnu og tók 10 ferðir eða svo. Geðveikt adrenalínkikk- stórsvig og brun á svívirðilegum hraða. Flaug reyndar á hausinn þar sem ég var að skíða í lausamjöll. Mæli ekki með því að gera það í myrkri. En ég mæli með skíðaiðkan. Ótrúlega skemmtilegt sport sem tekur heil…

Jólin o.fl.

Mikið svakalega hlakka ég til Jólanna. Ég verð sífellt meira jólabarn, sem er áhugavert í ljósi þess að maður er nú ekki beint að yngjast með árunum. Þetta er bara svo dásamlegur tími. Góður matur, samvera með manns nánustu, að grúfa sig ofan í nýjar brakandi ferskar bækur, japla á Mackintosh, kertaljós, Brandenburgarkonstertarnir, ahhhh.. Svo ljúft, svo ljúft.

Ég þarf hins vegar að vinna eins og móðurserðir til að geta tekið mér frí með sæmilegri samvisku. Verkefnalistinn er skuggalega langur og strembinn þessa dagana, enda verið að gangsetja verksmiðjuna á fullu og málmflæðið eykst dag frá degi og stressið í takt við það. Gaman, gaman.

Álbandið mun rokka um jólin. Við ætlum að stíga á stokk í Egilsbúð á miðnætti, aðfaranótt annars í jólum. Veit ekki hvort það verða jólalög á prógramminu, en held samt ekki. Jólalög eru skelfilegur viðbjóður almennt séð og ekki vænlegur efniviður fyrir rokkhljómsveit. Stefnan er samt að bæta 5-10 lögum í lagasafn sveitarinnar og vonandi verður eitthvað …

Norrænar glæpasögur, já takk

Ég er búinn að lesa slatta af norrænum krimmum síðustu mánuði. Þó nokkra íslenska og svo tvo sænska höfunda, Camillu Lackberg og Lizu Marklund. Það er eitthvað við þessar sögur sem fellur mér afar vel í geð. Ég er svolítið búinn að spá í hvað það er og ég held að ég sé með svarið.

Þetta eru bækur um fólk og viðbrögð þess við aðstæðum og áföllum. Í hinni engilsaxnesku “whodunit” hefð er fókusinn á afbrotið sjálft og lausn gátunnar. Fyrir þá sem horfa mikið á sjónvarp þá sést þessi munur t.d. vel með því að bera saman danska þáttinn “Forbrydelsen” og hinn skelfilega ameríska “CSI”. Í þeim fyrrnefnda er verið að fjalla um fólk. Fólk sem fremur afbrot, fólk sem rannsakar þau og fórnarlömb. Maður kynnist persónunum og það er auðvelt að setja sig í spor þeirra. Persónurnar í CSI eru eins og róbótar- ganga í sín störf af fullkominni fagmennsku og töffaraskap. Ég þarf varla að taka það fram að mér finnst Forbrydelsen vera frábær þáttur á meðan mér finnst skemmtilegra að týna ló úr naflanum á m…

Af hverju er ekki almennilegur veitingastaður í Fjarðabyggð?

Á Egilsstöðum eru a.m.k. 3 ágætlega frambærilegir veitingastaðir. Á Seyðisfirði er mjög góður veitingastaður. Í Fjarðabyggð er hins vegar ekki einn einasti veitingastaður sem gæti talist boðlegur (með þeim fyrirvara að ég hef ekki komið á Sumarlín á Fáskrúðsfirði. Ef eitthvað annað á við um þann stað þá bið ég eigendur hans og alla Fáskrúðsfirðinga auðmjúklega afsökunar).

Hvernig í ósköðunum stendur á þessu? Hefur fólk í Fjarðabyggð ekki áhuga á því að borða góðan mat? Er ekki markaður fyrir góðan veitingastað? Ég held að svo sé og að þörfin sé raunar mjög mikil. Ef einhver tæki sig til og opnaði almennilegan veitingastað á Reyðarfirði þá gæti sá hinn sami haft fínan pening upp úr því. Fólk í Fjarðabyggð á ágætlega stætt, auk þess sem traffíkin í kringum álverið á eftir að vara í mörg ár. Á hverjum tíma eru jafnvel tugir gesta í álverinu- fólk sem er alveg til í að eyða peningum í góðan mat, enda með kreditkort frá fyrirtækinu til að borga brúsann. Þetta fólk þarf í dag að sætta sig vi…

Múgíbúgíwúgí

Fór á tónleika með Mugison í Egilsbúð í gær. Þvílík snilld! Langt síðan ég hef setið eins dolfallinn á tónleikum. Sleftaumar úr báðum munnvikjum og ég held að ég þurfi á fullorðinsbleyunni að halda a.m.k. fram að helgi.

Örn var með hrikalegt gengi með sér á sviðinu. Guðni Finnsson- einn al-besti, ef ekki besti- bassaleikari landsins, Pétur Ben, gítarvirtúós og stórmúsíkant, Davíð Þór Jónsson- SNILLINGUR og strákur sem heitir Arnar (held ég) á trommur- mesti trommu GEÐSJÚKLINGUR sem ég hef séð lengi (svona eiga trommarar að vera- spólgraðir, með tunguna lafandi, bjótandi kjuða og ÓÐEÐSLEGA þéttir).

Spilamennskan var frábær og tónlistin snilldin ein. Tom Waits fílingurinn í Erni eykst með hverri plötunni. Gaurinn er fenómen.

Mætingin var bara þokkaleg miðað við miðja viku og snjókomu. Tónleikagestir voru mjög vel með á nótunum og í góðum fíling. Bandið skemmti sér líka konunglega sýndist mér.

Sex stjörnur af fimm mögulegum. Mæli líka eindregið með plötunni. Hún er frábær.


kveðja:
Siggi

Fjölgun á Skorrastað, óperugubb, Arnaldur Indriðason o.fl.

Nú er svo langt síðan ég hef bloggað að ég veit varla hvar ég á að byrja. Jæja…ég byrja bara einhversstaðar…..

---------------------------------------

Fjölgun stendur fyrir dyrum á Skorrastað 3. Nýtt kríli mun bætast í hóp vistmanna í aprílmánuði ef áætlanir standast. Meðganga gengur prýðilega og eiginkonan verður blómlegri með hverri vikunni. Tilhlökkun er mikil, enda eru börn dásamleg fyrirbæri. Fyrsta eintakið var sérlega vel heppnað og engin ástæða til að ætla að það næsta verði eitthvað síðra. Kyn hefur enn ekki fengið staðfest, en það mun þó gerast alveg á næstunni. Okkur er auðvitað nákvæmlega sama hvort það verður. Það verður elskað. Það er þó ljóst að það verður heilmikil breyting að fá alveg splunkunýja manneskju í hendurnar til að hugsa um. Frumburðurinn er að verða 10 ára og maður er auðvitað búinn að steingleyma því hvernig þetta smábarnastúss gengur fyrir sig. Við erum samt ótrúlega mikið betur í stakk búin til að takast á við þetta núna heldur en í fyrsta skiptið- búin að…

Andinn snýr aftur

Eftir langa fjarveru úr bloggheimum er Andinn nú að íhuga endurkomu. Ég hef ekkert bloggað vegna almenns áhugaleysis á bloggi, vegna anna, skorts á nettengingu á heimavígstöðvum, auk annarra tæknilegra vandkvæða.

Nú hefur áhugi minn á þessu fyrirbæri kviknað á ný og ekki loku fyrir það skotið að ég fari að láta ljós mitt skína aftur. Ég er samt óviss um tilganginn með því. Ég er að spá í að vera jákvæður bloggari- If you can't say something nice it's better to say nothing at all- sagði vitur maður. En hver nennir að lesa það? Vilja menn ekki helst bloggara sem tæma endaþarm hugans inn á bloggsíðuna sína svo að allir geti hnusað og velt sér upp úr skítnum (bið forláts á einstaklega óviðurkvæmilegri samlíkingu). Allavega......það les mig þá bara enginn- Það verður bara að hafa það. Hér kemur hin nýja ritstjórnarstefna Andans í stuttu máli:

1. Ég ætla að segja fréttir af sjálfum mér svo að vinir mínir og ættingjar geti séð hvað ég er að sýsla.
2. Ég ætla að segja frá bókum sem ég er…

Rafmagnsbílar- ofurvélar

Var á leið í vinnu um daginn þegar ég heyrði viðtal við rafmagnsverkfræðing sem sagði illskiljanlegt af hverju ekki væri lögð meiri áhersla á framleiðslu og notkun rafmagnsbíla. Miklar framfarir hefðu orðið í framleiðlsu rafmótora og rafhlaðna og að í dag væru rafmagnsbílar fremri sprengimótorum að flestu, ef ekki öllu leyti.

Verandi forvitinn maður fór ég að rannsaka málið og datt niður á þessa síðu:

http://www.teslamotors.com/learn_more/faqs.php

Þetta er FAQ síða hjá fyrir tæki sem heitir Tesla Motors. Þeir framleiða rafmagnssportbíl (neibb....ekki oximoron!). Græjan er 4 sekúndur í hundraðið, kemst 400 km á hleðslunni og virðist vera ofursvöl græja. Og...hann kostar innan við 100.000 dollara. Strategían hjá þeim virðist vera að gera bílinn algengann hjá ríka fólkinu- fá umhverfismeðvitaða uppa til að skipta Porche-num út fyrir Teslu (Svona rafmagnsbíll myndi örugglega "get one laid" í henni Kaliforníu ,svo dæmi sé tekið). Afar snjallt.

Það sem ég er að velta fyrir mér er þet…

Fuck me Gerald

Múhaha.....Snilld frá Charlie Brooker

I've instinctively hated the Tories since birth. If there was an election tomorrow, and the only two choices were the Nazis or the Tories, I'd vote Tory with an extremely heavy heart. In descending order of vehemence, my objections to the Tory species stem from a) everything they do, b) everything they say, c) everything they stand for, d) how they look, e) their stupid names and f) the noises I imagine they make in bed. I once overheard two posh people - almost certainly Tories - having sex in a hotel room. It was grim. The woman kept saying, "Fuck me, Gerald," in a cut-glass accent, which was funny, but Gerald himself soon wiped the grin off my face with his grunting, which wasn't really grunting at all, but instead consisted of the words "oh" and "ah" crisply orated aloud, like Sir Laurence Olivier reading dialogue off a card at an early rehearsal. I didn't stick around long enough to hear the climax…

Long time no write



Hef verið ótrúlega latur að blogga....eiginlega til skammar. Spurning um að hætta þessu bara....hmmm..

Síðasta helgi var skemmtileg. Álverið var formlega opnað. Ég fékk að halda ræðu og klippa á borðann ásamt Álgerði, Geira Haarde og Hildi, sem er kollegi minn. Um kvöldið var svo mikið húllumhæ á Fáskrúðsfirði, þar sem við átum, drukkum (miiiiiikið) og skemmtum okkur fram á nótt. Á skemmtuninni tróð ég upp í gervi Gunther Grosskopf, eðalleðurhomma, og jóðlaði af hjartans list, auk þess að plokka bassa með léttmálmssveitinni Hösk. Gaman, gaman. Svo var dansað fram á rauða nótt við undirleik hinna geðþekku drengja í hljómsveitinni Buff.

Annars er klikkað að gera í vinnunni. Allt að gerast, enda fer heitur málmur að flæða eftir nokkra daga. Spennó.

Vorið fer einkennilega í mig. Er með kvef og hálf niðurdreginn......I smá "meaning of life" pælingum. Skapið passar hins vegar ekki alveg við veðurfarið. 20°c í dag á Reyðarfirði- svokallað skrifstofuóðveður. Blimey.

Smell you later

-S

Póstmódernismi



Ég veit...búinn að vera ógeðslega latur að blogga. Fannst þetta bara svo ógeðslega fyndið að ég varð að deila þessu með einhverjum:

Postmodernism
Everyone vaguely understands what "postmodernism" is, yet no one actually knows what it means. Close your eyes and toss a shoe across the room and the chances are you'll hit something postmodern, especially if you're a saddo with a house full of po-faced furnishings.

Critics claim the term postmodern is merely a polite substitute for "smart-arsed". Post-modernists simultaneously agree and disagree with this analysis in a morally relativistic, smart-arsed sort of way, before disappearing in a puff of irony and reappearing on the panel of a pointless late-night cultural review show aimed at the sort of simpering dick who chuckles politely in theatres each time one of the characters cracks a joke about King Lear or Nietzsche or the French or criticism or politics or architecture or any of the other subjects playwright…

Jóla og nýársblogg

Sæl öll

Ég óska ykkur öllum hamingjuríks nýárs og vona að þið hafið haft það gott yfir hátíðarnar.

Ég og mínir höfum haft að mjög gott. Við eyddum jólunum í Trysil í Noregi þar sem við stunduðum skíðamennsku og kappát. Það var alveg stórskemmtilegt, þrátt fyrir að lítið hafi verði um snjó. Norðmennirnir eru ansi lúnknir við að búa hann til og það er bara ágætt að skíða í tilbúnum snjó. Ég fílaði mig vel á skíðunum og ekki laust við að þetta hafi endurvakið áhuga minn á íþróttinni. Ég skíðaði núna hraðar heldur en ég hef nokkurntíman gert og var að fíla það stórvel. Ég var í brekkunum í 4-5 tíma á dag þannig að þetta var fyrsta fríið sem ég man eftir þar sem ég léttist um 1 kg. Magnað. Það var samt skrítið að vera ekki með stórfjölskyldunni um jólin og þetta var eiginlega svolítið eins og að sleppa jólunum. En...alltént, frábært frí með frábæru fólki. Tak for det.

Ég las tvær bækur í fríinu- "Sá yðar sem syndlaus er", eftir Ævar Örn og "Sér grefur gröf sem grefur", eft…