Skip to main content

Skál fyrir bassaleikurum!!

Sit í sófanum, vinn (eða sko....vinn, blogga og drekk bjór á víxl) með Muse tónleika í DVD spilaranum. Djöfull eru þetta svalir drengir. Samt eru þeir nettir proggarar. Gleður mitt litla progghjarta að sjá svala proggara sem tekst að laða kvennfólk á tónleika.

Ég var hins vegar bara að kveikja almennilega á perunni með það núna hvað bassaleikarinn í Muse er ÓGEÐSLEGA góður. Hann er bara gjörsamlega í skugganum af Bellamy, sem náttúrulega súperstjarna. Bassaleikarinn heitir semsagt Chris Wolstenholme. Gaurinn er skuggalega þéttur og sándar eins og móðurserðir. Það er ekkert auðvelt að halda uppi þéttleika í þriggja manna bandi þar sem einn meðlimurinn er athyglissjúkur virtúós.

Þetta blogg er almennt séð tileinkað proggurum, en bassaleikurum sérstaklega. Bassaleikarar fá sjaldnast athyglina, en eru þó allt í öllu. Hljómsveit getur gert ágæta hluti með slakann gítarleikara innanborðs. Hljómsveit með lélegann bassaleikara er hins vegar...LÉLEG. Og hananú!

Skál fyrir bassaleikurum þessa heims! Skál fyrir Fjalari! Skál fyrir Jóni Hafliði! Skál fyrir Vidda Gúmm! Og (dare I say it?.....) skál fyrir mér!


kveðja:
Siggi


p.s. flest sem ég sagði áðan á líka við um trommuleikara. Skálum líka fyrir trommuleikurum!

Comments

VAldi said…
Skáll fyrir mér. Takk sömuleiðis. Það klikkar nú aldrey Bassasólóið í Contdowinu þar fellur þú ekki í skuggann
Fjalar said…
True, true, true and true. Skál...sem oftast.
Anonymous said…
skál fyrir því með sigg á fingrum!
-Jón Hafliði
Orri said…
kál!
Einar said…
isssss... bassi skassi... trommi kommi.... allir vita að það eina sem þarf til að gera góða tónlist er góður hljómborðsleikari. Aðrir eru ágætir í að "mæma" on-stage.
Jón Hafliði said…
eru það ekki hljómborðsleikararnir sem ýta á play takkann á hljómborðinu sínu fyrir þá sem eru að mæma? og þykjast svo spila með?
Anonymous said…
Hljómborð er það eina sem má missa sín í hljómsveit. Því er hins vegar ekki að neita að góður hljómborðsleikari getur gert gæfumuninn! Skálum líka fyrir hljómborðsleikurum. Þeir eru þeir fá jafnvel minni athygli en bassaleikarar.

kv.
siggi

Popular posts from this blog

Rafmagnsbílar- ofurvélar

Var á leið í vinnu um daginn þegar ég heyrði viðtal við rafmagnsverkfræðing sem sagði illskiljanlegt af hverju ekki væri lögð meiri áhersla á framleiðslu og notkun rafmagnsbíla. Miklar framfarir hefðu orðið í framleiðlsu rafmótora og rafhlaðna og að í dag væru rafmagnsbílar fremri sprengimótorum að flestu, ef ekki öllu leyti.

Verandi forvitinn maður fór ég að rannsaka málið og datt niður á þessa síðu:

http://www.teslamotors.com/learn_more/faqs.php

Þetta er FAQ síða hjá fyrir tæki sem heitir Tesla Motors. Þeir framleiða rafmagnssportbíl (neibb....ekki oximoron!). Græjan er 4 sekúndur í hundraðið, kemst 400 km á hleðslunni og virðist vera ofursvöl græja. Og...hann kostar innan við 100.000 dollara. Strategían hjá þeim virðist vera að gera bílinn algengann hjá ríka fólkinu- fá umhverfismeðvitaða uppa til að skipta Porche-num út fyrir Teslu (Svona rafmagnsbíll myndi örugglega "get one laid" í henni Kaliforníu ,svo dæmi sé tekið). Afar snjallt.

Það sem ég er að velta fyrir mér er þet…

Vinir Dóra

Einhverjir hafa eflaust umsvifalaust ályktað sem svo að nú ætlaði ég að fara að tjá mig um framsóknarflokkinn, en svo er ekki (þannig að þið getið lesið áfram án þess að eiga það á hættu að fá heilablóðfall af leiðindum).

Ég var nefnilega að lesa viðtal við Halldór Bragason, blúshund, í Mogganum um helgina. Þá lét lítil minning á sér kræla:

"Árið er ca. 1995. Ég er staddur á Reykjavíkurflugvelli í bið-"sal" Íslandsflugs. Á biðstofunni eru tvö farlama gamalmenni, kona með grátandi ungabarn og bólugrafinn unglingur sem er að sporðrenna prins póló númer 2 og drekka kókómjólk. Ég er heldur daufur í dálkinn yfir þessari ofurraunsæislegu hversdagssenu þegar hurðin þeytist skyndilega upp og inn ganga fjórir svartklæddir menn. Snjófjúk fylgir þeim inn í biðstofuna og ískaldur ferskur andblær.

Mennirnir eru Halldór Bragason og vinir hans. Dóri er með kúrekahatt á höfði og í leðurstígvélum. Guðmundur Pétursson er í skósíðum frakka með krullurnar í allar áttir. Þeir eru með gítartösk…

Menntakerfið byggir á úreltum og skaðlegum forsendum

Ákveðnar forsendur liggja til grundvallar í menntakerfinu okkar. Kerfið er í grófum dráttum svona:
Nemendum er skipt í hópa eftir aldri. Allir eru skulu dvelja á skólastofnun frá 6-16 ára. Þar skulu þeir læra samkvæmt gildandi aðalnámsskrá. Aðalnámsskráin er sett saman af sérfræðingum sem er gert að greina og ákveða hvað allir þurfa að læra svo að þeir séu tilbúnir í framhaldsnám og þátttöku í samfélaginu. Kennarar skulu svo gera sitt besta til að tryggja að allir nemendur tileinki sér sem mest af þeirri hæfni og þekkingu sem aðalnámsskráin segir til um. Það eiga sumsé allir að læra það sama. Frammistaða nemenda er vegin og metin frá upphafi með prófum og verkefnum sem eiga að segja til um hvernig þeim gengur.
Það er hægara sagt en gert að ná þeim markmiðum sem kerfið setur. Börnum er ekki eðlislægt að fylgja skipunum og sitja kyrr. Það þurfa þau samt að gera í skólanum, talsverðan hluta dags. Þau ráða engu um það hvað þau læra, hvenær, hvar, með hverjum eða hvernig (í flestum tilvik…