Skip to main content

Rokksveitin Arrrrgh!

Kíkti í dag á skemmtilega hljómsveitaræfingu. Þar kom saman í fyrsta sinn hljómsveitin Arrgh. Hana skipa undirritaður, Jón Hilmar, Orri Smára og Þorlákur Ægir. Söngvari er Jóhanna Seljan, undirritaður (kannski), Þorlákur Ægir og hugsanlega Reynir Höskuldsson. Hljómar flókið. Sem það og er.

Arrgh ætlar að leika í Egilsbúð næsta miðvikudagskvöld. Á efnisskránni er fullt af skemmtilegum lögum....Cream, Kiss, Metallica, Skunk Anansi, Rage against the machine, James Brown, Bon Jovi, Bubbi Morthens og margt, margt fleira.

Æfingin gekk vel og á köflum náðist fyrirmyndar þéttleiki. Ég hef aldrei spilað með Orra áður, en þetta fór bara skrambi vel af stað hjá okkur. Ég hef hins vegar oft spilað með Jóni Hilmari áður- fyrst þegar Jón var 14-15 ára gutti í Nokiastígvélum. Það má alveg fylgja sögunni að hann bjó til hljóð með bláa Yamaha gítarnum sínum sem 14-15 ára gutti í Nokiastígvélum ætti ekki að geta búið til.

Enívei. Unnendur rokktónlistar verða ekki sviknir af því að mæta á Arrgh.

Hljómsveitin Winson hitar upp, en það mun vera mjög áhugavert band.

Vertu þar, eða vertu ferhyrndur.

Mér skilst raunar að þetta sama kvöld verði Dylanprógramm á Lúlú. Agalegt að tvö gigg skuli rekast á í ekki stærri bæ, en hver veit, kannski er hægt að byrja á Lúlú og kíka svo í Egilsbúð? Pöbbarölt á Norðfirði! Það er svo rosalega nýtt konsept að maður nær bara ekki að höndla það!



love:
Siggi

Comments

Orri said…
Jú, þetta er efnileg rokkhljómsveit hjá okkur held ég.

Hlakka bara heilmikið til að spila.
Anonymous said…
Jamm! Þetta er dásamleg tónlist. Það er fátt sem veitir meiri útrás en að rokka aðeins. Þetta verður stórskemmtilegt. Það er líka alltaf gaman að spila með nýju fólki.

kv.
Siggi
Valdi said…
Það er nú ekki eins Jón Hilmar Hafi ekki vitað ef því að Það yrði sett upp Dylan á þessum degi. En leiðinlegt fyrir hann.
Anonymous said…
Ég held að það hafi nú ekki komið að sök að hafa tvo viðburði sama kvöldið. Skilst að mætingin hafi verið fín á Lúlú og við vorum alveg sáttir í Egilsbúð. Stórskemmtilegt kvöld!

-Siggi
Anonymous said…
sigginobb.blogspot.com is very informative. The article is very professionally written. I enjoy reading sigginobb.blogspot.com every day.
quick loan
canada payday loans

Popular posts from this blog

Vinir Dóra

Einhverjir hafa eflaust umsvifalaust ályktað sem svo að nú ætlaði ég að fara að tjá mig um framsóknarflokkinn, en svo er ekki (þannig að þið getið lesið áfram án þess að eiga það á hættu að fá heilablóðfall af leiðindum).

Ég var nefnilega að lesa viðtal við Halldór Bragason, blúshund, í Mogganum um helgina. Þá lét lítil minning á sér kræla:

"Árið er ca. 1995. Ég er staddur á Reykjavíkurflugvelli í bið-"sal" Íslandsflugs. Á biðstofunni eru tvö farlama gamalmenni, kona með grátandi ungabarn og bólugrafinn unglingur sem er að sporðrenna prins póló númer 2 og drekka kókómjólk. Ég er heldur daufur í dálkinn yfir þessari ofurraunsæislegu hversdagssenu þegar hurðin þeytist skyndilega upp og inn ganga fjórir svartklæddir menn. Snjófjúk fylgir þeim inn í biðstofuna og ískaldur ferskur andblær.

Mennirnir eru Halldór Bragason og vinir hans. Dóri er með kúrekahatt á höfði og í leðurstígvélum. Guðmundur Pétursson er í skósíðum frakka með krullurnar í allar áttir. Þeir eru með gítartösk…

Rafmagnsbílar- ofurvélar

Var á leið í vinnu um daginn þegar ég heyrði viðtal við rafmagnsverkfræðing sem sagði illskiljanlegt af hverju ekki væri lögð meiri áhersla á framleiðslu og notkun rafmagnsbíla. Miklar framfarir hefðu orðið í framleiðlsu rafmótora og rafhlaðna og að í dag væru rafmagnsbílar fremri sprengimótorum að flestu, ef ekki öllu leyti.

Verandi forvitinn maður fór ég að rannsaka málið og datt niður á þessa síðu:

http://www.teslamotors.com/learn_more/faqs.php

Þetta er FAQ síða hjá fyrir tæki sem heitir Tesla Motors. Þeir framleiða rafmagnssportbíl (neibb....ekki oximoron!). Græjan er 4 sekúndur í hundraðið, kemst 400 km á hleðslunni og virðist vera ofursvöl græja. Og...hann kostar innan við 100.000 dollara. Strategían hjá þeim virðist vera að gera bílinn algengann hjá ríka fólkinu- fá umhverfismeðvitaða uppa til að skipta Porche-num út fyrir Teslu (Svona rafmagnsbíll myndi örugglega "get one laid" í henni Kaliforníu ,svo dæmi sé tekið). Afar snjallt.

Það sem ég er að velta fyrir mér er þet…

Menntakerfið byggir á úreltum og skaðlegum forsendum

Ákveðnar forsendur liggja til grundvallar í menntakerfinu okkar. Kerfið er í grófum dráttum svona:
Nemendum er skipt í hópa eftir aldri. Allir eru skulu dvelja á skólastofnun frá 6-16 ára. Þar skulu þeir læra samkvæmt gildandi aðalnámsskrá. Aðalnámsskráin er sett saman af sérfræðingum sem er gert að greina og ákveða hvað allir þurfa að læra svo að þeir séu tilbúnir í framhaldsnám og þátttöku í samfélaginu. Kennarar skulu svo gera sitt besta til að tryggja að allir nemendur tileinki sér sem mest af þeirri hæfni og þekkingu sem aðalnámsskráin segir til um. Það eiga sumsé allir að læra það sama. Frammistaða nemenda er vegin og metin frá upphafi með prófum og verkefnum sem eiga að segja til um hvernig þeim gengur.
Það er hægara sagt en gert að ná þeim markmiðum sem kerfið setur. Börnum er ekki eðlislægt að fylgja skipunum og sitja kyrr. Það þurfa þau samt að gera í skólanum, talsverðan hluta dags. Þau ráða engu um það hvað þau læra, hvenær, hvar, með hverjum eða hvernig (í flestum tilvik…